Ja disa pamje mahnitëse të veturave të reja “Astra 4×4”, “Astra coupé”, “TwinTop”, si dhe një version “estate”.
“Astra” është modeli më i rëndësishëm në historinë e këtij prodhuesi.

Ky model arrin në një kohë kur kompanitë automobilistike ballafaqohen me të vërtetë me kohë shumë të vështira, ku edhe vet “Vauxhall” ka pushuar nga puna shumë punëtorë, për shkak se është në prag të shitjes.

Modeli i ri dëshmon se ka një të ardhme të ndritur përpara.

Një shtesë e freskët është modeli i pashëm 4×4, i cili do të konkurrojë me modelet “Ford Kuga” dhe “VW Tiguan”.
Një lojtar tjetër me rëndësi është modeli i ri “Astra coupé”.“Motra” e saj është e llojit “roadster”, e cila planifikohet të jetë rival i veturës “Audi TT Roadster”.Përfundimisht, aty është edhe modeli “Sport Tourer estate”.
Secila makin e ka vecantin e saj.

“Astra Estate” pritet të dalë në vitin 2011.
Sikur edhe me vëllain e madh të saj, “Sports Tourer”, “Astra estate” kombinon pamjen e mirë me një prakticitet real, falë linjës së pjerrët të kulmit dhe enterierit fleksibil.Kjo veturë ofron vend të mjaftueshëm për këmbë dhe kokë të udhëtarëve – edhe në ulëset e pasme.
Motorët pritet të jenë të llojit 1.6-litra turbo.

“Astra Coupe” pritet të dalë në vitin 2012.Falë suksesit të veturës “VW Scirocco”, “coupé”-të e volitshme janë kthyer në modë, prandaj ka ardhur koha që edhe “Vauxhall” ta ringjallë klasën “Calibra”.Me një formë karakteristike, një enterier luksoz dhe një shasi të sofistikuar, ky model mund të thuhet se është i gjithanshëm. Variantet më të mira do të kenë motor me 240 kuaj-fuqi.

“Astra 5DR” tashmë ka dalë në shitje.Kjo veturë e shumëpritur tashmë ka dalë në shitje, duke filluar me një çmim prej rreth 17,675 eurosh.
Këtë veturë do ta vejë në lëvizje njëri nga tetë motorët e ndryshëm, duke përfshirë edhe motorin e ri 138 kuaj-fuqi 1.4-litra petrol turbo.

“Astra Twintop” del në shitje në vitin 2011.Prodhuesit shpresojnë se kjo veturë do të jetë më e suksesshme sesa modeli aktual “TwinTop”.
Kësaj here, do të bëhet fjalë për një model strikt me dy ulëse, me një hapësirë më të madhe për bagazh.

“Astra 4×4” del në shitje në vitin 2012.Veturat kompakte sportive SUV, të bazuara në “Astra”-n e re do ta plotësojnë zbrazëtirën e madhe në këtë klasë.